O Concello de Vigo e a “Fundación Secretariado Gitano” conveñen na necesidade de establecer unha cooperación tendente a aunar os seus esforzos de cara a posibilitar unha maior inserción social e laboral da Comunidade Xitana. O Concello de Vigo concédelle unha subvención total por importe de 16.000 €.
As actuacións do convenio de colaboración entre o Concello de Vigo e a Fundación Secretariado Gitano, enmarcadas no Programa Operativo de Inclusión Social e Economía Social 2014-2020 e no Programa Operativo de Emprego Xuvenil 2014-2020, teñen como obxectivo esencial a inclusión social da poboación xitana dende o punto de vista da formación e o emprego. Para isto a Fundación Secretariado Gitano comprométese a colaborar coa Concellería de Desenvolvemento Local e Emprego do Concello de Vigo no desenvolvemento de actuacións na cidade de Vigo como:
- Accións de orientación socio-laboral.
- Accións de difusión do servizo e recursos.
- Accións de diagnóstico e avaliación competencial.
- Avaliación socio-familiar.
- Acción de activación e motivación cara o mercado laboral e o retorno educativo.
- Acción de mellora das competencias educativas, profesionais, básicas e transversais.