Espazos colaborativos

Subvencións dirixidas a fomentar o emprego e/ou a consolidación do mesmo, a través de axudas para o alugamento de espazos en contornas colaborativas ofertadas por terceiros na cidade de Vigo, de tal xeito que se mellore a colaboración empresarial ou con profesionais independentes doutras actividades, reducindo custes de funcionamento e mellore a informacións, formación a colaboración e a oferta de servizos empresariais.

A finalidade ou obxectivo que se pretende acadar coa convocatoria é o fomento do emprego e a consolidación dos proxectos empresariais das persoas emprendedoras e das micropemes, en particular:

• Facilitar a consolidación de proxectos de emprendemento empresarial.
• Fomentar o uso de entornas colaborativas (espazos de coworking) na cidade, cara á redución de custes e á eficiencia empresarial.
• Potenciar a xeración e continuidade de grupos empresariais e autónomos en entornas colaborativas.
• Facilitar os inicios ás persoas emprendedoras e ás micropemes, cunha axuda económica destinada ao aluguer de espazos para o desenvolvemento da súa actividade en colaboración con outros profesionais, na mesma entorna.
• Fomentar o traballo empresarial en rede (networking), mediante o compartimento de espazos físicos con outros empresarios e persoas emprendedoras, establecer novas relacións, coñecer outros puntos de vista e crear novas sinerxias.

Poden concorrer a esta convocatoria pública as persoas autónomas e micropemes, que teñan o seu domicilio social e fiscal en Vigo.